بناءا علي رغبة الجميع دي اسرار نجاح اي كيكة اسفنجية او اي كيكة تانية
1- استخدمي البيض في درجة حرارة الغرفة وان يكون كبير الحجم يعني وزن البيضة الواحدة 50 جرام.
2- الايكون الدقيق او البيكنج بودر او النشا قديم وقومي بنخله 3 مرات للحصول علي خفة في القوام.
3- خلط او مزج الدقيق كثيرا يجعل الكيكة قاسية وتحسي بصعوبة في مضغها لانك بضرب الدقيق كثيرا نشطتي الجلوتين الموجود في الدقيق
4- ضرورة استخدام سكر للحلويات سريع الذوبان او السكر السنترفيش لانه بيسهل عملية الخفق وايضا وجود سكر غير ذائب يجعل قوام الكيكة محبب واذا لم تذوب فهي لن تذوب في الفرن
5- استخدام الزبدة اما في درجة حرارة الغرفة او ذائبة وليس ساخنة حتي لاتطهي البيض
6- تغطية الصينية بالدقيق والزبد او ورق الزبدة او الفويل يساعدك علي نزع الكبيكة بسهولة ويسر حتي اذا لم يكن عندك الصواني التي تفتح من الجوانب.
7-حرارة الفرن تختلف من فرن لاخر لذا يجب معرفة فرنك جيدا ومعرفة نقاط السخونة والبرودة فيه اي اي الاماكن تحمر اسرع من الاخري وهي موجودة في كل انواع الافران ماعدا الافران التي بها مروحة ويفضل بعد مضي 20-25 دقيقة ان تقومي بلف الصينية بسرعة حتي تحصلي علي كيكة مستوية بالتساوي
8- اذا كانت هابطة من المنتصف و غير مستوية من الداخل فاالسائل كثير ولومستوية فالبيكنج بودر كثير اذا احمرت بسرعة بدون ان تكمل السوي فحرارة الفرن اعلي من اللزوم غطيها بورقة فويل وسبيها تكمل سوي بالفرن .
9- اختاري المقاس السليم للصينية للكيكة بتاعتك فمثلا 4 بيضات = صينية 22 سم وهكذا واحيانا يكون اساس الكيكة دقيق اكثر وبالتالي راعي التاكد من الوصفة ومقاس الصينية المطلوبة في الوصفة لان ده ممكن يسبب ان الكيكة تكش وسبب اخر هو ان المقادير مش مظبوطة وكمية الدقيق قليلة
10- بعد اخراجك للكيكة من الفرن اتركيها ل5 دقائق تهدأ تماما ثم اقلبيها فورا علي رف سلك وده افضل علشان تبرد تماما قبل تقطيعها او تزينيها
11- يمكنك عمل الكيك قبلها بفترة وغلفيها كويس بالكلين فيل وفي الفريزر ولما تحبي تستخدميها اما انك تحطيها في الميكرويف ل30 ثانية او تسبيها بره الفريز حتي تفك من التجميد تماما واستخدميها
12- عند وضعك لزبيب او قطع شوكولاته او فواكه مجففة راعي انك تغلفيها كويس بالدقيق وكمان لازم تراعي انها ما تنفعش مع كل انواع الكيكات لازم كيكة يكون مزيجها ثقيل وليس ناعم حتي لاتسقط في قاع الصينية
