طاجن العكاوي من اكتر الاطباق اللي بعشق اكلها في العيد وخصوصا ان اول مرة جربتها كانت في محلات البرنس والحقيقة ان نيشاني طلع مظبوط احسن واحلي عكاوي ذوقتها وعجبتني لدرجة ان تاني يوم جربت عملها بالمنزل والحمد لله ظبطت وبقت وجبة مميزة عندنا في المنزل ودي وصفتها مزيج من وصفة البرنس واضافتي الشخصية اتمني تجربوها وتعجبكم :))
1 كيلو عكاوي
لسلق العكاوي :
(ورق لوري - حبهان - مستكة - فلفل اسود حب- بصلة صحيحة -- كبش قرنفل- جزر مقطع - 1 فص ثوم)
1 حبة فلفل اخضر رومي بارد جوليان
2 حبة طماطم مبشورة
1 بصلة جوليان رفيع
2 قرن فلفل اخضر حار مفروم ناعم
2 فص ثوم
ملح - فلفل اسود - جوزة الطيب - قرفة - حبهان مطحون -مستكة مطحونة - كبابة صيني - شطة -
2 م ك خل
عصير ليمونة
1- تسلق العكاوي مع التوابل الصحيحة والملح حتي تنضج تماما تاخذ حوالي 20-30 دقيقة
2- يشوح البصل والفلفل و الثوم وقطع العكاوي المسلوقة ثم نضيف الطماطم ونقلبهم جيدا ثم وتتبل بالتوابل والخل والليمون والفلفل الاخضر الحار ثم نضيف قليلا من الماء لا يزيد عن ربع كوب وتغرف في طاجن وتدخل الفرن بعد ما يوضع علي وجه الطاجن 1 م ك من السمن ورشة من مزيج التوابل وتدخل الفرن الساخن ل15-20 دقيقة وتقدم مع البطاطس المحمرة وبالهنا والشفا
