Be The Chef
Enjoy Cooking
مع داليا سالم
Home » » محاشي محاشي محاشي وعلي الطريقة المصراويه :)

محاشي محاشي محاشي وعلي الطريقة المصراويه :)

Written By داليا سالم on الجمعة، 7 أكتوبر 2011 | 12:58 م

المرة دي حبيت اجبلكم المحاشي المصرية الشهيرة بكتير من انواعها المشهورة من ورق عنب وخلافه
الوصفة المصرية تختلف عن الوصفة الشامية من حيث كمية الخضراء المستخدمة في المحاشي المصرية بتكون اقل وكمان  بنستخدم مرقة لحم او دجاج وفي المحاشي الشامية بيميلوا لاستخدام عصير الطماطم الطازج  اكترمن استخدام الشوربة

نبدا بالكينج بتاع المحاشي المصرية ورق العنب  
كتير من الناس مايعرفوش ان كل مناسبةوليها لفة معينة لورق العنب مثلا المناسبات والعزائم يبقي لفة المحشي صغيرة في حجم
  طول الاصبع او بحجم عقليتين من الاصبع اما اذا كان للاستخدام العادي فيبقي الاسهل يعمل حجمه كبيرممكن بطول الاصبع  مع اني انا شخصيا بحب الحجم الصغير في كل الاحوال نبدا بقي بالمقادير









محشي ورق العنب
1/2 كيلو ورق عنب
21/2ك ارز مصري
شبت - بقدونس - كزبرة
1/2 كيلو طماطم مقشرة
1 م ص صلصة طماطم
2 خبة بصل كبيرة
1 مكعب مرقة
ملح - فلفل اسود - كمون - كزبرة - - نعناع ناشف - جوزة الطيب - حبهان مطحون
زيت ذرة
1- يفرم البصل فرم صغير مش ناعم ويشوح بقليل من الزيت حتي يصفر ثم نفرم الطماطم وتضاف عليه ثم تترك لتسبك ثم نضيف التوابل ومكعب المرقة
2- نغسل الارز ونفرم الخضرة ويقلب مع الصلصة بعيدا عن النار
3- يسلق ورق العنب في قليل من الماء ويصفي ثم نفرد ورقة العنب وتحشي بمقدار قليل من الخلطة ثم تلف علي شكل اسطواني وترص جيدا بخلة بعد تغطية قاع الحلة بورق العنب وشرائح الجزر وبعد الانتهاء نقوم بتقطيع 1 فص ثوم شرائح رفيعة وترص علي الوجه مع ملعقة من الزبدة وشرائح من الليمون
3- ترفع علي نار عالية لمدة5 دقائق ثم نضيف مرقة حتي تغطي اصابع المحش+ي ثم تترك حتي تغلي ثم نهدئ النار ونكبس عليه طبق صغير وتترك حتي تستوي
ثم تقدم مع شرائح الليمون وبالهنا والشفا
* لطعم احلي قومي بحشو 2 حبة فلفل حار وضعيها فوق المحشي تستوي معاه
 

محشي الباذنجان والفلفل


نفس خلطة محشي ورق العنب ماعدا اننا بنزود كمية الشطة و م ك صلصة زيادة علي المقاديرللخلطة
كيفية تقوير الباذنجان :
بافضل اختيار الحبات الصغيرة او المتوسطة والبعد عن الحبات الكبيرة وتبدائي بتطرية الباذنجان لتسهيل التقوير وده بيكون عن طريق الضغط عليه برفق علي سطح جامد مثلا كاونتر المطبخ او ترابيزة حتلاحظي انه طري  تزيلي الراس بالسكين وتدخلي المقوار وتلفيه بشكل دائري لحد ما تلفي دائرة كاملة وتطلعي لحم الباذنجان وهكذا لحد ما تفرغي الحبة بالكامل
اذا كانت الكمية كبيرة انقعيه في قليل من الماء مع شرائح الليمون مش عصي ليمون مجرد شرائح فقط وخصوصا الباذنجان الابيض حتي لا يسود قبل السوي 

 تجهيز الفلفل من اسهل المحاشي عامة المشهور عندنا الفلفل الاخضر سواء الحامي او البارد كلما كان طازج كان افضل 
وببساطة بتمسكي العنق بايدك اليمين  والحبة بايدك الشمال  واضغطي علي العنق بقوة حتلاقيه اتفصل عن الحبة مجرد انك تشديه للخارج وتغسلي الحبة واحشيها

عند حشو اي من هذه المحاشي يفضل ترك مقدار من 1/2 سم الي 3/4 سم من الاعلي فاضي بدون حشو وده علشان نسيب فرصة للحشو انه يستوي ويتضاعف حجمه بدون ما تفرقع حبة المحشي منك ولا يبقي الحشو طالع بره  الحبة ويتهدر منك كمية من الحشو 









 *النوعين دول بيستوا اسرع من ورق العنب علشان كده يفضل فصلهم في حلة منفصلة  للسوي غير حلة ورق العنب 

*نرصهم واقفين علشان نضمن انهم ما يلزقوش في بعض  وانهم يستوا بشكل متساوي ونراعي ان المرقة او الشوربة توصل ل1/2 طول حبات الباذنجان 

SHARE

About داليا سالم