بتعاني الكثيرات من ربات البيوت بمشاكل كركبة المطبخ وده حيبقي اول جزء في نصائح ترتيب وتنظيم المطبخ
الصبحفترة تعتبرها كتير من السيدات ازمة علشان تجهز جوزها او اولادها للافطار وللخروج وتلاقيها رايحة جاية زي ما يكون حد بيجري وراها وبعد الافطار تتفاجا بتشرنوبل في المطبخ ودي نصائح عملية ومفيدة للمحافظة علي مطبخك منظم وتنظيفه ما ياخدش منك اكتر من 10 دقائق الصبح
1- حافظي دائما علي نظافة الحوض يعني اول باول تنظفي الاطباق او في غسالة الصحون وبعد ما تخلصي ليفة الاطباق تشليها من الصابون واغسليها الماء وسبيها تنشف لحد ما تستخدميها تاني كده بتقللي فرص نمو البكتريا فيها
2- دائما بتلفي في المطبخ وبتدوري علي اللي انتي محتاجه يبقي محتاجة اعادة ترتيب ببساطة حطي الملاعق الخشبية بجانب البوتجاز في برطمان او علبة كبيرة قديمة وكمان التوابل الاساسية زي الملح والفلفل والتوابل اللي بتستعمليها كتير قوي وزجاجة الزيت وتكون مغلقة كويس
3-في اقرب درج او مكان احتفظي بفوط المطبخ النظيفة والجافة والمرتبة لسرعة استخدامها في حمل اي اناء ساخن او مسح اي سائل مما يسهل عملية التنظيف
4- حاولي تشوفي ايه اللي بتستعمليه كل يوم الصبح وتحطيه كله في كورنر واحد يعني مثلا الغلاية او ماكينة القهوة وكمان التوستر او الميكرويف والمج الحراري لقهوة جوزك او قهوتك انتي لو بتشتغلي يبقي كلهم مع بعض في كورنر واحد حيسهلك بداية نهارك كتير وياريت لو 2 سلة واحدة مغطاة للخبز والتانية صغيرة ودي تحطي فيها كل الفيتامينات اللي انتي واولادك وممكن جوزك كمان بيحتاجها الصبح وكده ما تنسيهمش ابدا
5- حاولي كل ما تفتحي اي علبة تعودي نفسك انك تقفليها وترجعيها مكانها فورا وده ينطبق علي الجبن وعلب الشاي والقهوة والتوابل .
6- راعي ان لو الساندويتشات بتاخد منك وقت تقدري تجهزي معظمها من بالليل خصوصا ساندويتشات المدرسة ولو حتديهم عصائر او حلويات جهزيهالهم من بالليل وده حيفيدك كتير خصوصا لو انتي ام عاملة
.jpg)
