النهاردة بيتزا رفيعة ومقرمشة وخفيفة كمان وعليها حشو يا سلام تشيكن باربكيو صوص ما اهو انا من كتر عشقي للبيتزا بحب كل فترة اغير واجرب اعملهم بيتزا نوع يكونوا بيحبوه وجربوه واعمل لنفس انا واحدة كده صغنونة علي قدي للتجربة بس الحمد لله لحد دلوقتي بسم الله ما شاء الله :)) ما فيش اي خسائر كلها بتطلع في الاخر وصفات جديدة وجنان يالا بقي اسيبكم مع المقادير ونعملها ازاي :
بيتزا تشيكن باربكيو سترببيس
مقدار من عجينة البيتزا
موزاريلا - بارميزان
صلصة طماطم
توابل الصلصة:خل -ملح -فلفل اسود - ماء - زعتر
فلفل اخضر
مشروم
صدور وافخاذ دجاج (شيش طاووق)مقطع شرائح
صوص باربكيو هاينز
بصلة جوليان
توابل الدجاج:ملح -فلفل اسود - ثوم بودرة - جوزة الطيب - جنزبيل
1- يشوح البصل ثم نضيف الدجاج المتبل بالملح والفلفل والتوابل حتي يحمر لونه ثم يضاف الباربكيو صوص حسب كمية الدجاج وتقلب لمدة 2 دقيقة ثم ترفع من علي النار وتستخدم
2- تفرد عجينة البيتزا بسمك رفيع ثم نضع كمية من الصلصة(صلصة الطماطم تذاب مع قليل من الماء ثم تتبل بالتوابل والخل )ثم قليل من الجبنة المثلثات ثم المشروم وقطع الدجاج والفلفل ثم الموزاريلا وتدخل فرن حار وبالهنا والشفا
ما بتاخدش وقت في الفرن نهائيا فخلي بالك علشان ما تتحرقش*
* ممكن تستخدم التشيكن باربكيو مع الباستا او الارز البسمتي الابيض او ساندويتشات بالعيش اللبناني وبالهنا والشفا علي كل اللي حيجربوها ;)
